2022-yil 12-mart kuni Nukus shahrida “O‘zbekistonda yashil texnologiyalar sohasida ayollar startaplarini rivojlantirishni jadallashtirish” dasturining namoyish kuni bo‘lib o‘tdi.

6 nafar tadbirkor ayol o‘z loyihalarini taqdim etdi, 3 nafar eng yaxshi loyiha hakamlar komissiyasi xulosasiga ko‘ra, o‘z startaplarini rivojlantirish uchun 21,5 million so‘m mablag‘ga ega bo’ladi.

“O‘zbekistonda ayollarning yashil texnologiya startaplarini rivojlantirishni jadallashtirish” loyihasi Tech4Impact nodavlat tashkiloti tomonidan Birlashgan Millatlar Tashkilotining Demokratiya Jamg‘armasi ko‘magida amalga oshirilmoqda.

Tadbirni tashkil etishda ko‘rsatgan yordami uchun Qoraqalpog‘iston Bolalar va oilalarni qo‘llab-quvvatlash uyushmasi hamda Yoshlar ishlari agentligiga minnatdorchilik bildiramiz.