16 May 2019

Yoshlar uchun dizayn-fikrlash bo‘yicha mahorat darsi

13-15 may kunlari, Curiosity Maker Space loyihasi doirasida biz dizayn-fikrlash bo‘yicha ajoyib spikerni taklif qildik va o‘smirlar (12-18 yosh) uchun 3 kunlik bepul kursni o‘tkazdik.

 

 

 

❗️ Bu juda zo‘r kurs. Spikerimiz — Chokan Nukushev, oldin Social Impact Award xalqaro ijtimoiy tadbirkorlik dasturining mamlakatlar bo‘yicha koordinatori (Yevropada yoshlar orasida eng yirik bo‘lgan), shuningdek Almati va Atiraudagi “Dizayn-fikrlash ustaxonasi” ta’lim dasturining koordinatori.

Qatnashish bepul. Kurs Ilg‘or texnologiyalar markazida o‘tkazildi.

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

Nega yoshlarga dizayn-fikrlash kerak? Qiziquvchanlik, kreativlik, tanqidiy fikrlash va turli muammoli vaziyatlarning qiziqarli yechimlarini o‘ylab topish ko‘nikmalarini rivojlantirish uchun. “Biz har doim shunday qilardik”  degan hech qanday standart yechimga yo‘l qo‘yilmaydi…

Dizayn-fikrlash metodikasining asosida (Stenford universitetida o‘ylab topilgan) har doim  inson (Human-Centered Design) turadi. Kursda ishtirokchilar g‘oyalarni shunchaki emas, balki odamlarga real yordam berishi uchun o‘ylab topishlarini bilib olishadi. Odamlarga “hozir va shu yerda” nima kerakligini, muammolarni imkoniyatlarga “aylantirish”ni bilib olishadi.

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

Kurs dasturi 3 qismdan iborat:

 

  • Dizayn-fikrlash asoslarini o‘rganamiz. Dizaynning bunga qanday aloqasi bor? Nostandart g‘oyalarni qanday o‘ylab topish mumkin (+ uy vazifasi)
  • O‘zimiz yordam bermoqchi bo‘lgan auditoriyani o‘rganamiz va tadqiq qilamiz. So‘rovlar qanday o‘tkaziladi? So‘rov ma’lumotlarini qanday o‘qish kerak? Muammolarni yaxshiroq tushunish uchun mental xaritalar tuzishni o‘rganamiz (+ uy vazifasi)
  • Guruhlarda ishlaymiz, yechimlarni o‘ylab topamiz va prototiplar qilamiz (+ uy vazifasi)

 

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

Mahorat darsining ilk kunida biz Ilg‘or texnologiyalar markazi atrofidagi maydonni tadqiq qildik, kuzatishni, biror-bir qiziqarli narsani ilg‘ashni o‘rgandik.

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

Mahorat darsining 2-kunida biz joy xaritasini va mahorat darsining 1-kunida ishtirokchilar tomonidan qilingan fotosuratlarni bosib chiqardik. Hamma 4 ta guruhga bo‘lindi, har bir guruhning o‘z zonasi bor edi.

 

Har bir zonada yoqqan narsa aniqlanardi va taqdim qilinardi yoki yaxshilash mumkin bo‘lgan narsani aniqlanardi. Finalda joyning mental xaritasi yaratildi.

 

 

Mahorat darsining 3-kunida 4 ta zonaning har bir bo‘yicha jamoalar muammolarni bayon qilishdi va ularning yechimlarini o‘ylab topishdi.

Keyin biz ko‘chaga chiqdik va har bir jamoa o‘z zonasida o‘tib ketayotgan fuqarolardan ularni bu zonada nima yoqishi, nima esa yoqmasligi borasida intervyu o‘tkazdi.

Mahorat darsi finalida ishtirokchilar o‘z qarorlarini ko‘chadagi fuqarolardan olingan qarorlar bilan birlashtirdilar hamda jamoaviy tarzda, ovoz berish yo‘li bilan eng “qaynoq” muammolarni va eng qiziqarli yechimlarni tanladilar.

Umuman olganda, 3 kun ichida biz dizayn-fikrlashning asosiy bosqichlari: empatiya (kuzatish va tushunish) / muammoni belgilash / g‘oyalar generatsiyasi va e’tiborni jamlashni o‘rgandik… Prototip yaratish va testdan o‘tkazishga ulgurmadik, ammo bu endi keyingi mahorat darslarida

Trenerimiz Chokan Nukushevga ajoyib mahorat darsi uchun minnatdorchilik bildiramiz!

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

Curiosity Maker Space O‘zbekiston Innovatsion rivojlanish vazirligi va AQSH elchixonasi tomonidan qo‘llab-quvvatlanmoqda.

Новости по теме

#Искусственный интеллект

#Soft skills

#Hardware

#Hardware

#Technology

#Education

#tEAMWORK