“OSON” fintech-kompaniyasi “Tech4Impact” NNT bilan hamkorlikda bu yil Qoraqalpog‘iston Respublikasida faoliyat yurituvchi 30 nafar ayol uchun AWE dasturini ishga tushirmoqda.

Avvalroq “OSON” kompaniyasi Qoraqalpog‘istonda ayollar tadbirkorligini rivojlantirish va AWE dasturini qo‘llab-quvvatlash to‘g‘risida O‘zbekistondagi AQSH elchixonasi bilan Hamkorlik to‘g‘risidagi memorandumni imzolagan edi. Bu kompaniyaga mazkur dasturni amalga oshirish uchun “Tech4Impact” NNT ga moliyaviy yordam ko‘rsatish imkonini berdi.

Bu AWE uchun dastur O‘zbekistonda xususiy biznes tomonidan qo‘llab-quvvatlangan birinchi holat hisoblanadi.

Tadbirkor ayollar akademiyasi — kichik biznes asoschilari bo‘lgan ayollarni qo‘llab-quvvatlash va rivojlantirishga yo‘naltirilgan noyob taʼlim va mentorlik tashabbusidir.

Agar quyida ko‘rsatilgan mezonlarga to‘g‘ri kelsangiz, sizni 2025-yil 15-sentyabrga qadar ariza berishga taklif etamiz (https://docs.google.com/forms/d/e/1FAIpQLSdrLBLKJFRDLu7TVoVFL1U0oMXqLWgpT-ftcYnB98uZMd5pWQ/viewform?usp=header).

Qatnashish uchun mezonlar:
🔹 Qoraqalpog‘istonda yashaydigan 25-40 yoshli ayollar;
🔹 Rus va ingliz tillarini bilish;
🔹 Ayollarning kamida 1-2 yildan buyon faoliyat ko‘rsatayotgan o‘z biznesi;
🔹 Noutbuk va internetga barqaror ulanish imkoniyatining mavjudligi;
🔹 To‘ldirilgan ariza va rag‘batlantiruvchi xat.