"Ayollar Fan va Texnologiyalar sohasida”-2019 Markaziy Osiyo haftaligi

Markaziy Osiyoning 4 ta mamlakati, Kremniy Vodiysi va Buyuk Britaniya kompaniyalaridan tashrif buyurgan investorlar, tadbirkorlar, o‘z sohalarining yetakchi ayollari ishtirokidagi profilli mintaqaviy tadbir. 2019-yilda tadbir 25-30 mart kunlari Toshkent, Samarqand va Nukusda bo‘lib o‘tdi.

ClimateLaunchpad Uzbekistan

ClimateLaunchpad — “yashil” biznes-g‘oyalarning yirik xalqaro tanlovi. 2019-yili O‘zbekiston birinchi marta tanlovning 50 ta ishtirokchi mamlakati safiga qo‘shildi. ClimateLaunchpad tanlovini O‘zbekistonda Green Business Innovation kompaniyasi taqdim etmoqda. O‘zbekistondan 2 ta eng yaxshi startap 2019-yilning noyabrida ClimateLaunchpad tanlovining global finalida ishtirok etish uchun Amsterdamga yo‘l oladi.

Technovation Girls Uzbekistan

Technovation Girls — qizlar uchun yirik xalqaro texnologik tanlov. O‘zbekistonda 2016-yildan buyon o‘tkazib kelinmoqda. Qizlar, mentorlar rahbarligi ostida, o‘z hamjamiyatlaridagi ijtimoiy muhim muammolarni texnologiyalar yordamida (mobil ilovalar yaratishadi, loyiha biznes-rejasini tuzishadi, loyiha haqida video yaratishadi va uni tanlov finalida taqdim etishadi) hal etishga harakat qilishadi.

Water Solutions Innovations Lab startup akselerator

Water Solutions Innovation Lab startap-akseleratori yashil texnologiyalar va suv masalalari sohasidagi loyihalar uchun tashkil qilingan. Akselerator Green Business Innovation kompaniyasi tomonidan USAID/CAREC Smart Waters loyihasi doirasida O‘zR Suv xo‘jaligi vazirligi va TIQXMMI ko‘magida Innovatsiyalar va ilmiy tadqiqotlar klasteri bazasida o‘tkaziladi.

Startup Mix konferensiyasi

Startup Mix — startaplar va innvovatsiyalar sohasida 2013- yildan buyon o‘tkazib kelinayotgan O‘zbekistondagi birinchi va eng obro‘li biznes-konferensiya. Biz Toshkent va Nukusda 42 ta tadbir o‘tkazdik. Bizning auditoriya: biznesmenlar, IT-tadbirkorlar, kompaniya rahbarlari, mutaxassislar, dizaynerlar, startapchilar, marketologlar, jurnalistlar, oliy o‘quv yurtlarining yuqori kurs talabalari.

Curiosity Maker Space

Curiosity MakerSpace — yaratuvchilik, ijod, nostandart yechimlarni izlash va kreativ g‘oyalarni amalga oshirishga ilhomlangan ijodkor odamlar uchun ochiq bo‘lgan ijodiy makon. 2018-2019 yillarda biz loyiha doirasida yoshlar bilan ko‘plab tadbirlarni o‘tkazdik. Curiosity MakerSpace 2020 yili Toshkentda O‘zbekistondagi AQSH Elchixonasi ko‘magida ochiladi.

C.A.T. Science Accelerator

C.A.T. Science Accelerator — “ilmiy” loyihalar va ilmiy ishlanmalarni tijoratlashtirish uchun O‘zbekistondagi birinchi akselerator. Biz olimlar va biznes o‘rtasida aloqalarni yo‘lga qo‘yamiz, jamoaga moliyachilar, marketologlarni jalb qilish, investitsiyalar olish va startapni ishga tushirish uchun olimlarga yordam beramiz. Akseleratorda qatnashish bepul!

Ideathon

Ideyaton — bu g‘oyalarni ishlab chiqish bo‘yicha ikki kunlik jadal seminar. Ishtirokchilar jamoalarga bo‘linishadi. Ekspertlar dizayn-fikrlashdan qanday foydalanish va ijtimoiy muammolarni nchishda innovatsiyalarni qanday joriy qilish mumkinligini tushuntirib berishadi.

Curiosity Machine AI Family Challenge oilaviy tanlovi

Curiosity Machine AI Family Challenge 2018-2019 yillarda O‘zbekistonda birinchi bor o‘tkazildi. Oilalar (ota-onalar va bolalar) Google’ning SI (sun’iy intellekt) bo‘yicha kursini o‘tashdi va finalda jamiyatdagi muayyan ijtimoiy muammoni hal qilishga qaratilgan, SU qo‘llangan o‘z loyihalarini yaratishdi. O‘zbekistondan The Innovators jamoasi Spiky! Bullying Detector loyihasi bilan dunyo tanlovi finaliga chiqdi.